Eng Fro gouf gestallt op fro.lu.
An der Äntwert op d’parlamentaresch Fro n°4032 huet d’Ministesch Delaie fir d’Notzung vum IRM vun deene verschiddene Klinicken virgeluecht. Esou hätt ee Patient am CHdN an der Moyenne 34 Deeg op ee Rendez-vous fir den IRM gewaart, am CHEM 23 Deeg, am CHL 43 Deeg an am HRS 28 Deeg (Stand Januar 2021). Mir läit awer eng Confirmation de Rendez-vous fir, bei der ee Patient aus dem CHL iwwer 80 Deeg, bis d’nächst Joer Januar, muss op säi Rendez-vous waarden.
An deem Zesummenhang hu mir der Regierung dës Froe gestallt:
-
Kann d’Madamm Ministesch dës grouss Diskrepanz tëscht der Moyenne déi vum CHL ugëtt, an der Confirmation de Rendez-vous déi mir virläit erklären? Wat kënnen d’Grënn fir esou ee laangen Delai sinn?
-
Wéi hunn sech d’Chifferen aus der parlamentarescher Fro 4032 säit Januar entwéckelt? Wou stinn Delaie fir ee Rendez-vous fir den IRM haut?
Fro n°5159
Iwwert fro.lu gouf eis eng Fro gestallt, déi mir als Question Parlementaire mat an d’Chambre huelen. Wann och iech eppes um Häerz leit an dir eng Fro un d’Regierung hutt, da stellt eis är Fro. Einfach laanscht surfen op www.fro.lu
QP Nummer 5159
