FRO.LU: Penurie vu medezineschem Cannabis

Eng Fro gouf gestallt op fro.lu.

An menger parlamentarescher Fro n°895 hat ech den deemolege Gesondheetsminister op eng Rupture de Stock vu medezineschem Cannabis opmierksam gemaach. Deemools gouf wéinst dem Manktem u Cannabis entscheet fir kengen néie Patienten ee Cannabis-Traitement ze verschreiwen. De Minister huet deemools annoncéiert: “”Zënter Februar a bis den 30. Juni [2019], kruten 270 Patienten eng éischt Behandlung mat medezineschem Cannabis. Et ginn Alternativen zu medezineschem Cannabis. Fir jiddereng vun den dräi Indikatiounen kann den Dokter op eng ganz Rei vun Medikamenter zréckgräifen, déi sech ebenfalls als wierksam avéréiert hunn. Fir Liwwerenkpass ze evitéieren gëtt momentan duerch en Appel d’offre en Fournisseur fir den Rescht vun der Piiotphase(31. Dezember 2020) festgeluecht. An deem Kader ginn reegelméisseg Liwwerungen virgesinn fir den Approvisionnement ze garantéieren.””

An deem Zesummenhang hu mir der Regierung dës Froe gestallt:

  1. Si momentan déi dräi Zorte vu medezineschem Cannabis zu Lëtzebuerg accessibel oder gëtt et Enkpäss? Falls mir eis an enger Situatioun vu Rupture de stock befannen, wat sinn d’Grënn?

  2. Wéivill Enkpäss sinn et säit August 2018 scho ginn a wéi laang hunn se jeweils gedauert?

  3.  Fir wéini ass déi nächst Liwwerung geplangt?

  4. Ass d’Ministesch der Meenung, dass Medikamenter eng gutt Alternativ zum medezinesche Cannabis sinn, esou wéi hire Virgänger dëst a senger Äntwert erkläert huet? Zu wat fir gesondheetleche Réckschléi kann et bei de Betraffene kommen, wann si hiren Traitement mussen ënnerbriechen an op Medikamenter auswäichen?

Fro n°4282

Iwwert fro.lu gouf eis eng Fro gestallt, déi mir als Question Parlementaire mat an d’Chambre huelen. Wann och iech eppes um Häerz leit an dir eng Fro un d’Regierung hutt, da stellt eis är Fro. Einfach laanscht surfen op www.fro.lu

Verlaf an der Chamber

QP Nummer 4282

Zesummenhang posts

LU-CIX ass een nationalen Internet exchange Point zu Lëtzebuerg, deen als Service de Schutz vu kritesch Netzer an Hosts proposéiert. D’Asbl gëtt et säit
D’Verwaltungsgeriicht huet rezent jugéiert, dass de Staat engem Flüchtling, deen eleng geflücht war, op Basis vun eiser Gesetzeslag net kann eng Wunneng refuséieren (Arrêt
Stellungnahme des Nationalen Aktionskomitees gegen Atomkraft nach den Aussagen von Staatsminister Luc Frieden :  Zu gefährlich, zu teuer und zu langsam verfügbar – Atomkraft ist keine Lösung