Här President,
Sou wéi den Artikel 83 vun eisem Chambersreglement et virgesäit, bieden ech Iech, dës parlamentaresch Fro un d’Ministesch fir Konsumenteschutz weiderzeleeden.
An deem Zesummenhang wéilt ech der Madamm Ministesch dës Fro stellen:
- An der Äntwert op d’Fro n°650 hunn d’Ministeren erkläert, dass:
Wann et sech em eng eescht Gefor fir d’Gesondheet handelt, da maachen déi zoustänneg Autoritéiten zousätzlech zu der Publikatioun um Portail nach en offizielle Communiqué de presse, deen dann iwwert den offizielle Wee un all lëtzebuerger Presseorganer geschéckt gëtt.
Aläerten, déi Liewensmëttel betreffen, ginn och op der Santé-App “Santé.Iu”an um Portail santé publizéiert.
Et gëtt och am Kader vun der Digitalisatioun vun de Ministèren dru geduecht,fir aner Applikatioune mat anzebegrëifen, wéi zum Beispill GouvAlert.lu.
Eng Presenz vun den Autoritéiten op verschiddene soziale Medie gëtt am Moment am Kader vun der Kommunikatiounsstrategie vum Konsumenteschutzministère gepréift, deen an der neier Regierung d’Responsabilitéit vun der Liewensmëttelsécherheet iwwerholl huet.
- Wou steet een an dësem Zesummenhang mat dem Abanne vu GovAltert.lu?
- Op de soziale Medie vun der Regierung an de Ministèren, ass op den éischte Bléck näischt iwwert Liewensmëttelwarnungen ze gesinn. Wéi steet et mat de Ministeren hirem Virschlag, dës ze notzen, fir d’Leit op d’Geforen opmierksam ze maachen?
- Fir wéini sinn dës Ännerunge geplangt?
-
Ass an Zukunft geplangt, d’Warnunge vun den Nopeschlänner méi däitlech wéi nëmmen de generelle Link zur Agence, um Site ervir ze hiewe wëssend, dass vill Lëtzebuerger Produiten am Ausland kafen?
Wéi steet d’Ministesch dozou, fir bei all eenzeler Warnung och dobäi ze schreiwe wann änlech Warnungen am Ausland, zu zousätzleche Produiten, gemaach goufen?
Fro n°3416
Dës Fro gouf gestallt op fro.lu, surft och dir bis laanscht op fro.lu
