Eng Fro gouf gestallt op fro.lu.
Säit iwwert engem Joer hält d’Covid-Kris d’Land an Otem an d’Gestioun vun der Kris huet eng ganz Rei Restriktioune mat sech bruecht. Reegelen, wéi z.B. e Couvre-feu, deen eng Aschränkung vum fundamentale Recht op Beweegungsfräiheet duerstellt, däerfen a Krisenzäiten awer nëmmen agefouert ginn, wa gewësse Prozeduren op europäeschem Niveau agehale ginn.
Den Art. 15 Punkt 3 vun der Europäescher Mënscherechtskonventioun gesäit nämlech vir, datt d’Regierunge fir eng Aschränkung vun de fundamentale Fräiheeten duerchzeféieren, de Generalsekretär vum Europarot muss informéieren an him d’Grënn fir d’Restriktiounen duerleeën.
Ausserdeem misst d’Regierung de Generalsekretär vum Europarot och iwwert den Datum informéieren, un deem dës Moossnamen auslafen an d’Bestëmmunge vun der Mënscherechtskonventioun erëm voll ugewannt ginn.
An deem Zesummenhang hu mir der Regierung dës Froe gestallt:
-
Gouf an all dëse Fäll de Generalsekretär vum Europarot doriwwer a Kenntnis gesat?
-
Wat fir Delaien, wéini d’Restriktioune géifen auslafen, goufe jeeweils uginn?
Fro n°3901
Iwwert fro.lu gouf eis eng Fro gestallt, déi mir als Question Parlementaire mat an d’Chambre huelen. Wann och iech eppes um Häerz leit an dir eng Fro un d’Regierung hutt, da stellt eis är Fro. Einfach laanscht surfen op www.fro.lu
QP Nummer 3901
