ACCOUNT

FRO.LU: De Wee (zréck) op den Aarbechtsmarché

Eng Fro gouf gestallt op fro.lu.

Hei zu Lëtzebuerg ginn et divers Associatiounen, deenen hiren Objet et ass, Leit an den Aarbechtsmaart ze integréieren oder ze reintegréieren. Trotzdeem schéngt et sou, dat vill Leit, déi kuerzfristeg a sou Strukturen ënner kommen, ni aus hirer Noutsituatioun rauskommen.

An deem Zesummenhang hu mir der Regierung dës Froe gestallt:

  1. Wéi vill Leit ginn aktuell vun Associatioune betreit, déi hinnen entweder hëllefen, eng Aarbecht op dem regulären Aarbechtsmaart ze fannen oder hinnen temporär eng Aarbecht bidden?

  2. Wéi vill Leit, fannen iwwert dee Wee eng Aarbecht a Form vun engem CDD oder souguer CDI? 

• Wat fir eng Forme vun Accompagnement ginn do gebueden? 

• A wéi enge Fäll besteet eng Zesummenaarbecht mat Entreprisen oder Schoulen, fir eng (Re-)Integratioun ze erliichteren?

  1. Wéi gesäit d’Zesummenaarbecht vun dësen Associatioune mat der ADEM a mam CNFPC aus?

  2. Wéi laang dauert et am Duerchschnëtt bis déi Leit an enger Associatioun betreit ginn, eng nei Aarbecht fannen? 

• Wat sinn d’Schwieregkeete bei der Sich vun enger neier Aarbecht? 

• Wat gëtt gemaach, fir déi Schwieregkeeten ze behiewen?

  1. Gëtt et eng onofhängeg Evaluatioun vun der Aarbecht vun deenen Associatiounen? Gëtt d’Erfarung vun de Betraffene bei där Evaluatioun berécksiichtegt? 

  2. Wéi schätzen d’Ministeren den Erfolleg vun dee Mesuren an? Besteet Verbesserungsbedarf?

Fro n°3507

Iwwert fro.lu gouf eis eng Fro gestallt, déi mir als Question Parlementaire mat an d’Chambre huelen. Wann och iech eppes um Häerz leit an dir eng Fro un d’Regierung hutt, da stellt eis är Fro. Einfach laanscht surfen op www.fro.lu

Verlaf an der Chamber

QP Nummer 3507

Zesummenhang posts

Eng Fro gouf gestallt op fro.lu. Aarbechtssichender, déi bei der ADEM ageschriwwe sinn, an déi de Statut vun engem Travailleur handicapé hunn, kënnen an
D’Gesetz vum 14te Juli 2015 reglementéiert den Accès zum Beruff vum Psychotherapeut. Et kann een ee Master an der klinescher Psychologie hunn, aner Diplomer
An hirer Äntwert op meng Question parlementaire n°7357 huet d’Ministesch geschriwwen, dass zum deemolegen Zäitpunkt insgesamt 388 Kanner a Jugendlecher duerch d’Geriichtsuerteeler vun deenen