Eng Fro gouf gestallt op fro.lu.
An der parlamentarescher Fro n°7127 hunn ech mech iwwert d’Verspéidunge bei den Zich vum CLF informéiert. De Mobilitéitsminister huet mir heirop eng ganz Réi Informatioune geliwwert. Et wier awer och intressant aner Statistike vum CFL ze kennen.
An deem Zesummenhang hu mir der Regierung dës Froe gestallt:
-
Ass et méiglech datt de CFL seng Date vun den Zich (fir all Faart, Arrivée, Départ, pro Gare, pro Zuch) als oppen Datebank (z.B.: data.public.lu) zur Verfügung stellt a permanent aktualiséiert?
-
Wier dëst och fir d’Busréseauxe RGTR an TICE méiglech?
Fro n°7417
Iwwert fro.lu gouf eis eng Fro gestallt, déi mir als Question Parlementaire mat an d’Chambre huelen. Wann och iech eppes um Häerz läit an dir eng Fro un d’Regierung hutt, da stellt eis är Fro. Einfach laanscht surfen op www.fro.lu
QP Nummer 7417
