An der parlamentarescher Fro n°7599 hat ech de Mobilitéitsminister gefrot, wéi eng Garë momentan scho konform zum Gesetz vum 7ten Januar 2022 an domat accessibel sinn. Eng accessibel Gare bréngt awer net vill, wann d’Zuchwaggonen net och accessibel sinn. Hei huet een d’Méiglechkeet sech am Viraus beim CFL unzemellen, fir gehollef ze kréien. Et ass awer net kloer, ob Hëllef ëmmer méiglech ass.
An deem Zesummenhang hu mir der Regierung dës Froe gestallt:
- Wéi vill Waggonen (Gesamtzuel an a Prozent ausgedréckt) vun der CFL sinn net accessibel fir Rollstullfuerer:innen a Persounen mat Kutsch?
- Wéi vill Waggonen (Gesamtzuel an a Prozent ausgedréckt) kann een duerch eng Ramp accessibel maachen?
QP Nummer 7912
