Et ass ze waarm fir Déierentransporter!

Published by Marc Goergen on

Wéinst den héijen Temperaturen hu mir dem Landwirtschaftsminister Romain Schneider eng dréngend parlamentaresch Fro gestallt, wéini en endlech gedenkt d’Déierentransporter zäitlech ze verbidden. Frankräich ass scho gëschter mam gudde Schrëtt virgaangen an huet d’Déierentransporter zäitweileg verbueden bis d’Temperaturen erëm erof ginn (Hei den Artikel).

Mir Pirate froen eis, wéi eescht des Regierung den Déiereschutz wierklech hëlt?

Hei ass eis QP:

Wéinst der Hëtztwell, déi momentan grouss Deeler vun Europa am Grëff huet, si vill Déierentransporter net an der Lag d’Konditioune vun engem aartgerechten Transport ze erfëllen, sou wéi en am Annexe I vum EU-Reglement 1/2005 virgesinn ass. Dëst mat schreckleche Konsequenze fir d’Wuel vun den Déieren. 

De franséische Landwirtschaftsminister huet aus dësem Grond all d’Déierentransporter op franséischem Territoire suspendéiert bis d’Temperaturen sech erëm an engem akzeptabele Beräich befannen.

An deem Zesummenhang wéilt ech de Ministeren dës Froe stellen:

  • Opgrond vun den extrem héijen Temperaturen, wéi vill Kontrolle bei Déierentransporter goufen dës Woch zu Lëtzebuerg ausgefouert? 
  • Bei wéi villen Transporter sinn ze héich Temperature festgestallt ginn? 
  • Wéi eng Strofe goufen doropshin ausgeschwat?
  • Wäert d’Regierung, ähnlech wéi Frankräich, een zäitlecht Verbuet vun Déierentransporter arrêtéieren bis d’Temperaturen sech erëm normaliséiert hunn? 
    • Falls jo, wou wäerten d’Déieren, déi op lëtzebuergeschem Territoire sinn, tëschenzäitlech versuergt ginn?
    • Falls nee, firwat net?

Marc Goergen

Marc Goergen

Koordinator Piratepartei

1 Comment

Piraten Lëtzebuerg | Kantonen.lu CANTONS.LU · June 28, 2019 at

[…] an huet d’Déierentransporter zäitweileg verbueden bis d’Temperaturen erëm erof ginn. Et ass ze waarm fir Déierentransporter! #qpMir Pirate froen eis, wéi eescht des Regierung den Déiereschutz wierklech hëlt? Wéinst den […]

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.