Context:Aktualitéitsstonn zu der Organisatioun vun der Sécherheet am ëffentleche Raum
D’Chamber vun den Deputéierten stellt fest:
- D’Justizministesch an de Minister fir bannenzeg Sécherheet an der parlamentarescher Fro n°3574 erkläert hunn: “De Justizministère huet am Kader vun der Ausübung vu senge Missioune laut dem Gesetz vum 12ten November 2002 gefrot Asiicht an d’Dokumentatioun ronderëm déi vill diskutéiert Kontrakter vun enger Sëcherheetsfirma mat zwou Gemengen ze kréien an huet déi Dokumenter och krit. Si ginn aktuell analyséiert.”
Aus dësem Grond invitéiert d’Chamber vun den Deputéierten d’Regierung:
- de Justizministère an de Ministère fir bannenzeg Sécherheet voll a ganz bei der Analyse vun de Kontrakter an der Situatioun um Terrain ze ënnerstëtzen.
Dës Motioun gouf ofgeleent.
