Ënnerscheeder tëscht der Aarbechtslaascht vu Mann a Fra a Covid Zäiten

Laut enger rezenter Statec Etüd, sinn et majoritär Fraen, déi an essentielle Secteuren zu Lëtzebuerg schaffen. Esou sinn zum Beispill 75% vun de Persounen aus dem Santés-Secteur Fraen, a 66% sinn et am Enseignement. Doduerch, dass vill Fraen an essentielle Secteure schaffen, ass d’potenziell Aabrechtslaascht vun de Frae geklommen. Virun allem bei Elteren aus dësem Secteur ass d’Laascht grouss, wann ee bedenkt, dass duerch d’Schoulschléissungen an d’A/B Wochen, d’Kanner méi oft doheem sinn.

An deem Zesummenhang hu mir der Regierung dës Froe gestallt:

  1. Wéi vill Fraen schaffen zu Lëtzebuerg an essentiellen Beruffer (opgelëscht an absoluten Zuelen an no Secteur)?

  2. Sinn Zuele bekannt, wéi vill Prozent vun de weiblechen Aarbechter kënnen am Moment op Homeoffice zréck gräifen? Wéi vill Prozent vun de männlechen Aarbechter kënnen am Moment op den Homeoffice zréck gräifen?

  3. Ass gewosst, wéi vill Persounen aus dem Santéssecteur kéinten am Fall vu Schloulschléissungen op de Congé pour raisons familiales zréck gräifen? Wéi vill Persounen aus dësem Secteur hunn am Februar tatsächlech Congé pour raisons familiales ugefrot?

  4. Denkt d’Regierung, dass d’Aarbechtslaascht um privaten an och um professionellen Niveau fir Fraen duerch d’Covid Kris geklommen ass? Falls jo, wéi gedenkt se deem entgéint ze wierken?

Verlaf an der Chamber

QP Nummer 3808

Zesummenhang posts

Bierger:innen a Betriber sinn oft op de Service vu staatleche Verwaltungen ugewisen. Verschidde Froen loossen sech effikass an effizient iwwert den direkte Kontakt mat
Déi zoustänneg Ministeren hu gëschter der Ëffentlechkeet de Bilan zur Asyl- an Immigratiounspolitik zu Lëtzebuerg virgestallt. An der zoustänneger Chamberskommissioun sinn awer verschidde Froen
 Ee WORT-Artikel vum 23ten Dezember 2024 hat informéiert, dass op der Schnellstreck vum Tram tëschent der Stad an dem Belval elo dach ee weideren