De Weekend si Fotoen op de soziale Meiden zirkuléiert, déi weisen, wéi de Fëscherséi zu Wäiswampech eidel gelaf ass. An engem Tageblatt-Artikel vun haut erkläert de Buergermeeschter vun der Gemeng Wäiswampech, datt eng vun de Schleisen defekt wär an d’Waasser weiderhin géing auslafen.
An deem Zesummenhang hu mir der Regierung dës Froe gestallt:
-
Ass d’Ministesch fir Ëmwelt a Kenntnis dovunner, datt besotene Séi zu Wäiswampech eidel gelaf ass? Wann jo, zënter wéini?
-
Kann d’Ministesch erklären, firwat de Séi eidel lafe gelooss ginn ass a wien dofir responsabel ass?
-
Wien ass responsabel fir d’Instandhaltung vun de Schleisen?
-
Kann zum aktuellen Zäitpunkt schonns evaluéiert ginn, zu wéi engen Ëmweltschied an/oder Biodiversitéitsverloschter et koum?
-
Wien wäert dofir opkommen, fir de Biotop erëm beschtméiglech a säin natierlechen Zoustand zeréckzesetzen?
QP Nummer 2868
