An engem Artikel vum Lëtzebuerger Wort vum 7. Juni 2021 goufen Zuelen iwwert Recetten vum Projet Ecobox vun der SuperDrécksKëscht verëffentlecht.
D’SuperDrécksKëscht gëtt bekannterweis vun enger privatrechtlecher Firma exploitéiert.
D’Recetten déi an deem Artikel genannt ginn decken sech awer weder mat der genannter Unzuel vun Ecoboxen am Ëmlaf, nach mat engem realisteschen Taux vu sougenanntem “Pfandschlupf”. Falls 76.011 Behälter am Ëmlaf wieren, missten 380.055 EUR Pfand ageholl gi sinn. Den Artikel schwätzt awer vu Recetten vun 337.554,47 EUR.

An deem Zesummenhang hu mir der Regierung dës Froe gestallt:

1. Aus wat setzen sech déi genannten Recetten zesummen?

2. Wien profitéiert vun dëse Recetten?

3. Wéi een Taux vu “Pfandschlupf” gett beim System “Ecobox” ugeholl?

4. Op wéi enge Konten ginn d’Suen déi aus dem Pfand entstinn blockéiert? Sinn dat déi vum Trésor oder vun enger privater Firma?

5. Ass garantéiert, datt d’Suen aus dem Pfand just fir unhuelen an ausbezuele vum Pfand benotzt ginn an net an déi normal Trésorerie vun der SuperDrécksKëscht fléissen?

Verlaf an der Chamber

QP Nummer 4451