No engem Artikel vun der Auto-Bild vum 4ten Oktober 2024, deen sech op Donnéeën aus den USA stëtzt, géifen Elektroautoe vill manner geklaut ginn ewéi aner Autoen. D’Grënn dofir wiere villschichteg. Nieft den Technologien, déi der Iwwerwaachung vum Gefier déngen oder den digitale Schlësselen um Smartphone, spillt et wuel och eng Roll, dass dës Gefierer oft fir d’Lueden a Garagen ofgestallt sinn. Et ass natierlech och esou, dass aktuell manner E-Autoen op de Stroossen ënnerwee sinn, wéi Verbrenner.
An deem Zesummenhang hu mir der Regierung dës Froe gestallt:
-
Ass d’Tendenz, dass manner E-Autoe geklaut ginn, och zu Lëtzebuerg erkennbar?
-
Wéi vill Autoe sinn hei am Land immatrikuléiert gewiescht (Gesamtzuel), opgelëscht op d’Joren 2018 bis 2024 a wéi vill dovunner ware reng Elektroautoen?
-
Wéi vill Autoen sinn tëschent 2018 an 2024 geklaut ginn, opgeschlësselt pro Joer, a wéi vill E-Autoe waren hei drënner?
QP Nummer 1983
