An der Äntwert op meng Froen, schreiwen d’Regierungsmemberen, dass si vun de Virdeeler vun den Elektroautoen iwwerzeegt sinn (QP n°2459). Et fält awer op, dass zënter dem Amtsuntrëtt vun der CSV-DP-Regierung net méi Elektroautoen am Fuerpark vun de Ministeren ze fanne sinn a si weider op Plug-In-Hybriden, also Verbrenner, setzen. D’Regierung erkläert dëst mat “operationellen a sécherheetstechnëschen Grënn”, déi et verhënnere géifen, op eng voll elektresch bedriwwene Fuerpark ëmzesteigen.

An deem Zesummenhang hu mir der Regierung dës Froe gestallt:

1. Wéi vill nei Plug-In Hybride a Verbrenner goufen zënter 2024 fir de Fuerpark vun der Regierung souwéi de Service de protection du gouvernement kaf? 

2. Wéi eng operationell a sécherheetstechnesch Grënn verhënneren et, dass een op mannst den Undeel u rengen Elektroautoen am Fuerpark erhéicht?

3. Wéi wëll d’Regierung de Bierger:innen d’Virdeeler vun der Elektromobilitéit am Alldag gleefhaft maachen, wann am Fuerpark vun der Regierung grad mol 4 E-Autoen genotzt ginn? 

4. Firwat ënnerstëtzt d’Regierung d’Verbrennerverbuet, wann ee selwer zougëtt, dass den Elektroauto net ka fir all Gebrauch genotzt ginn? 

Verlaf an der Chamber

QP Nummer 2643