Et gi leider Situatiounen, an deenen e Kand aus senger Famill muss geholl ginn an zu sengem eegene Schutz an engem Foyer oder an enger Fleegefamill placéiert gëtt. Dobäi soll et sech an enger éischter Instanz ëm e sougenannte Placement provisoire, also ëm ee provisoreschen an zäitlech begrenzte Placement, handelen.
An deem Zesummenhang hu mir der Regierung dës Froe gestallt:
-
Wat ass d’Durée moyenne vun de Placements provisoires an deene leschten 12 Joer gewiescht?
-
Wat ass d’Durée médiane vun esou Placements provisoires an deene leschten 12 Joer gewiescht?
-
Wat war zënter 2010 déi bis elo längsten Zäit vun engem Placement provisoire?
-
Wéi hunn dës Zuelen zënter 2010 evoluéiert a wéi ass dës Evolutioun ze erklären?
QP Nummer 7367
