ACCOUNT

D’Schueberfouer als internationalt Kulturmonument?

Am Joer 1340 gouf d’Schueberfouer vum Jang de Blannen an d’Liewe geruff. Dëst Joer ass déi 679. Editioun vun dësem Volleksfest. D’Schueberfouer gehéiert hautzedaags zu engem vun de bedeitendsten immateriellen Kulturgidder vum Grand-Duché, voire vun der ganzer Groussregioun. All Joer gi ronn 2 Millioune Visiteuren erwaart. 

Am Joer 2008 gouf d’Schueberfouer an den « Inventaire national du patrimoine culturel immatériel » opgeholl. Den 11. September 2018 huet den deemolege Staatssekretär am Kulturministère Guy Arendt (DP) am Quotidien vun engem zousätzleche Klassement als „Patrimoine immatériel de l’humanité“, op internationalem Niveau, bei der UNESCO geschwat. 

D’Sprangprëssessioun zu Iechternach ass momentan als eenzege Patrimoine immatériel op internationalem Niveau geschützt. 

An deem Zesummenhang hu mir dem Minister dës Froe gestallt:

  1. Madamm Ministësch, ass d‘Regierung nach ëmmer gewëllt bei der UNESCO eng Kandidatur anzereechen fir d‘Schueberfouer als Patrimoine immatériel de l‘humanité ze klasséieren?
  2. Wat ass den aktuelle Stand an deem Dossier?
  3. Wat ass den aktuelle Stand beim Opbau vun engem nationalen Inventaire vum Patrimoine immatériel? Ass d’Madamm Ministesch biswell zefridde mam participative Prozess, deen an deem Kontext sollt zesumme mat Associatiounen, Gemengen a Bierger(innen) ulafen? Wéi wäit ass de CNA mat senger Analyse fortgeschratt? 

Zesummenhang posts

De 25te Februar 2022 ass dat neit Denkmalschutzgesetz a Kraaft getrueden. Nom Artikel 18 vum Gesetz kann all Interesséierten an all Organisatioun eng Demande
Haut kruten d’Deputéierten aus der Justizkommissioun een Entworf fir ee Gesetz zu Vorratsdatespäicherung virgeluecht. D’Piraten schwätze kloer vun engem Staubsauger a plaidéiere fir d’Ofschafung
Verschidden Haushalter hei am Land gi mat Fernwärme versuergt, fir hir Wunneng oder hiert Haus ze hëtzen. Och hei sinn d’Präisser a leschter Zäit