D’Piraten setze sech fir de Schutz vu Mënscherechter bei Liwwerketten an

De Piraten Deputéierten Sven Clement huet den 16ten Mee 2023 eng Gesetzespropos zum Thema Liwwerketten déposéiert.

Dëst Gesetz ass an Zesummenaarbecht mat der “Intitative pour un devoir de vigilance” entstaanen. D’Zil vum Gesetz ass et, fir d’Klima an d’Mënscherechter an den Liwwerketten ze schützen.

Eng Etüd vun TNS Ilres huet festgestallt, dass 87% vun de Bierger:innen am Land esou een Gesetz wëllen, 75% dovun fuerderen souguer een Gesetz virun de Walen am Oktober 2023.

Et ginn schonn änlech Gesetzer an Frankräich (säit 2017), Däitschland (säit 2023), Norwegen (säit 2022), der Schweiz (fir Konfliktminieralien wéi Gold ab 2022) an an England (säit 2015). 

An der Belsch an an Holland leien Gesetzesproposen fir.

Em wat geet et am Gesetz?

D’Propos, déi vun de Piraten agereecht ginn ass, gëllt fir Firmen, déi 2 vun de folgenden 3 Krittären erfëllen:
• 250 Aarbechter
• oder 50 Milliounen Chiffre d’affaire
• oder 43 Milliounen Bilan

PME sinn och betraff wann se an Secteurs à risques ënnerwee sinn. Secteurs à risque sinn déi déi am Plan national (pour la mise en œuvre des Principes directeurs des Nations Unies relatifs aux entreprises et aux droits de l’Homme ) vun der Regierung virgesi sinn.

Dës Firmen mussen an deem Fall ee Plan de vigilance opstellen.
Do muss dann déi ganz Liwwerketten an méiglech Geforen idenfitizéiert ginn an Léisunge fir déi Geforen proposéiert ginn.

Verstéiss géint Mënscherechter an Aktiounen konträr zum Kampf géint de Klimawandel si viséiert.

ONGen dierfen mat un den Plans de vigilance schaffen. Et ass eng ëffentlech Consultatioun virgesinn.

Dann gëtt och een neien Etablissement public geschafft, fir dëst Gesetz ze kontrolléieren a wa néideg Strofen auszeruffen.

Fir Leit, déi duerch d’Handele vun enger Firma mat Sëtz zu Lëtzebuerg zu Schued komm sinn, gouf d’Recht geschaaft, fir dowéinst virun een lëtzebuerger Geriicht ze goen. Dee Moment kënne se vun den ONGen ënnerstetzt ginn.

Fir weider Detailer zum Text klickt hei.

Hei den ganze Text am Pdf:

Zesummenhang posts

Fir eng rezent Etude vum European Monitoring Center for Drugs and Drug Addiction (EMCDDA) goufen Ofwaasseranalysen a Stied a ganz Europa an och ausserhalb
An der Äntwert op meng Fro n°387 huet d’Mobilitéitsministesch informéiert, dass d’CFL am Joer 2035 misste ronn 40% méi Leit astellen, fir d’Ziler vum
Bei engem Nato-Treffen den 3ten Abrëll gouf iwwert d’Schafung vun engem Fong fir d’Ukrain diskutéiert. An dësem Fong sollen 100 Milliarden iwwert déi nächst