ACCOUNT

D’Piraten an d’ADR léisen hire Groupe Technique op


Intranet / Newsletter un eis Memberen.

Léif Memberen, Virun engem Joer hu Mir zesummen mam ADR ee Groupe Technique gegrënnt. Duerch dësen Zesummeschloss krut d’Fraktioun eng Rëtsch Avantagen, déi et eis erlaabt hunn eis souwuel personell opzestellen, wéi och finanziell. Amplaz nëmmen eng Persoun kënnen anzestellen si mir haut an der Situatioun datt mir fënnef fest Plazen z’offréieren hunn. A mir sichen souguer nach Verstäerkung. Kuck also eemol ënnert jobs.piraten.lu, ob net och eppes fir dech derbäi ass! 

Den Groupe Technique huet bei munche Memberen fir Enttäuschung gesuergt. Dës Bedenken hunn d’Piraten iwwert ee Joer ewech konstant begleet an de Groupe technique stoung vun Ufank un ënnert engem schlechte Stär. No engem Joer, wëlle mir Iech heimat matdeelen, datt  ab dem 31. Dezember 2019  kee Groupe Technique méi mam ADR bestoen wäert. 

D’Piraten sinn eng oppen Partei, eng Partei, déi fir fräiheetlech Wäerter asteet an de Mënsch an de Mëttelpunkt stellt. Haut gesi mir an : de Groupe technique war e Feeler. Mir hunn zwar duerch dësen Zesummeschloss konnten eng zolidd Basis opbauen, fir kënnen eis Chamberaarbecht adequat ze maachen, ma mir hunn awer och e puer vun eisen Memberen virun de Kapp gestouss.
Dofir wëlle mir eis bei Iech entschëllegen. 

Mir wëllen Iech awer och Merci soen, datt Dir eis trotz dëser Decisioun ëm de Groupe technique trei bliwwe sidd. De Groupe Technique ass dout. Ahoi! 


PS: Eis war et wichteg dech als Member firdéischt ze informéieren. An de nächsten Deeg, geet eng Pressematdeelung eraus, duerch déi mir de Groupe technique offiziell an ëffentlech opléisen.   

Mat piratesche Gréiss
Piratepartei Lëtzebuerg asbl

Zesummenhang posts

Zanter dëser Woch gi viru Geriicht d’Virwërf géint d’Gerante vun enger Crèche gepréift. Der Ugeklote gëtt premeditéiert Kierperverletzung géint Kanner a Salariéeë virgehäit.  An