Wärend de Chambersdiskussioune ronderëm de Klima– an Energieplang vun der Regierung, hunn d’Piraten eng Motioun agereecht, an der mir fuerderen, dass d’Benotzung vum Auto soll besteiert ginn an net de Besëtz. Wéi an eisem Programm ugekënnegt fuerdere mir dofir eng Autosvignette anzeféieren.
Mat dëser Stroossen-Vignette ass et méiglech, dass jiddwereen op eisem Stroossennetz besteiert gëtt, baséiert um reellenCO2-Ausstouss a wéi oft e fiert.
Konkret: déi aktuell Autossteier fält ewech. Dofir bucht ee Fuerer bequem via App déi Deeg wou ee fuere well pro Dag, Woch, Mount oder Joer. Fir déi Leit, déi keen Internetuschloss hunn,kann d’Vignette wéi eng Prepaidkaart einfach op all méigleche Verkafspunkt ze kafe sinn. D‘Vignette, a Form vun engem QR Code, ass liéiert un d‘Nummereschëld. Bei enger Kontroll gesäit ee Polizist dann iwwert seng Plaque, dass d’Steier bezuelt ass.
D’Héicht vun der Steier hänkt dovun of, wéi vill de Motor un Emissioune reell produzéiert a wéi oft den Auto benotzt wäert ginn.
