Et gouf u mech erugedroen, datt de Fonds Climat et Energie (FCI) momentan keng nei Demandë fir Projetssubventioune vun ONGen unhëlt, well se sech an enger Phas vun Evaluatioun a Reorganisatioun am Hibléck op eng nei international Klimafinanzéierungsstrategie 2026-2030 befanne géifen, déi fir Enn 2025 geplangt ass.
An deem Zesummenhang hu mir der Regierung dës Froe gestallt:
-
Wéi laang wäert dës Suspendéierung viraussiichtlech daueren a wéi eng Moossname ginn ergraff fir sécherzestellen, datt dës Mesure déi lafend Aarbecht vun den ONGen net negativ beaflosst?
-
Wéi vill Dossieren, déi schonn eragereecht goufen, sinn nach an der Beaarbechtung, a wéi eng Ressourcë ginn zur Verfügung gestallt fir ze garantéieren, datt dës Dossieren ouni weider Verspéidung traitéiert ginn?
-
Wéi ass d’Ënnerstëtzung fir ONGe garantéiert, déi op Klimafinanzéierung ugewise sinn, wärend där Period wou keng nei Projetssubventiounen accordéiert ginn?
-
Wat sinn déi genee Krittäre fir den Agrement, deen zukünfteg vum Ministère verlaangt gëtt, a wéi vill vun den aktuellen ONGen, déi mam FCI schaffen, verfügen iwwer dësen Agrement?
-
Wat ass konkret bei der Entwécklung vun der neier Strategie fir d’international Klimafinanzéierung 2026-2030 virgesinn a wéi wäerten Interessevertrieder, besonnesch d’ONGen, an dëse Prozess agebonne ginn?
QP Nummer 2143
