An der Äntwert op d’Fro n°3800 huet de Minister erkläert, dass am Ganzen 3023 Déierentransporter vu Lëtzebuerg aus an d’EU Ausland gaangen. Wéi awer schonn an der Fro 3800 erkläert koum et an der EU schonn zu Fäll an deenen d’EU Ausland am Endeffekt nëmmen een Transitland war, an Déieren herno am Net-EU Ausland gelant sinn.
An deem Zesummenhang hu mir der Regierung dës Froe gestallt:
Sinn dem Ministère Fäll bekannt, wou een EU Land am Endeffekt nëmmen d’Transitland vun engem Déierentransport aus Lëtzebuerg war, Déieren also no 48h Stonnen op ee weideren Transport geluede goufen an d’EU verlooss hunn?
An der Äntwert op d’Fro 3800 sot de Minister, dass vun den 51 Transittransporter an deene leschte 5 Joer, keen eenzege kontrolléiert gouf. Firwat goufen dës Transporter ni kontrolléiert? Sinn esou Kontrollen an Zukunft geplangt?
Huet den Ministère Donnéeën iwwert den Zoustand an deem Déieren aus Lëtzebuerg nom Transport waren? Wéi vill Déieren hunn 2020, den Transport an d’Ausland net iwwerlieft? Bei wéi villen Déiere goufen 2020 Verletzunge festgestallt?
QP Nummer 4101
