De Präis vum Meter Cube Gas ass an deene leschte Méint rasant geklommen. An der Äntwert op meng parlamentaresch Fro n°5421, wou ech gefrot hunn, ob d’Gasliferanten hir Clienten op dës méi héisch Decomptë virbereeden, huet de Minister erkläert, dass si scho méi laang hir Mensualitéite wärend enger Ofrechnungsperiod upassen. Oft genuch sinn d’Clientë vun de Gasliferanten awer d’Proprietäre vun engem Haus oder enger Wunneng an net d’Locatairen. Esou kann et virkommen, dass d’Locatairen eréischt méi spéit vun Erhéijunge gewuer ginn.
An deem Zesummenhang hu mir der Regierung dës Froe gestallt:
Denken d’Ministeren net, dass all d’Proprietären hir Locatairen och missten informéieren, dass déi nächst Decomptë mat u Sécherheet ugrenzender Warscheinlechkeet ee gutt Stéck méi héisch ausfale wäerten?
Wäerten d’Ministeren d’Proprietären grad ewéi d’Locatairë méi geziilt iwwert d’Auswierkunge vun der Präishausse informéieren?
QP Nummer 5720
