De Klimabilan vun der Cargolux

Published by Marc Goergen on

D’Cargolux feiert 2021 hiert d’50järegt Bestoen. 2020 huet Cargolux  ee Rekordbenefice vun iwwer 630 Milliounen Euro konnten erzielen. Dëst ass op eng vergréissert Unzuel un Transportflich zréck ze féieren. Déi momentan sanitär Kris huet der Fluchgesellschaft also net geschuet.

An deem Zesummenhang hu mir der Regierung dës Froe gestallt:

  1. Huet d’Regierung Informatiounen iwwert de Klimabilan vu Cargolux vun deene leschte 5 Joer (opgelëscht no Joer)? Kann d’Regierung den CO2-Ausstouss grad ewéi d’Quantitéit u verbrauchtem Kerosin vun der Cargolux fir déi lescht 5 Joer oplëschten?

  2. Zur Bekämpfung vum Fluchlärm um Findel huet d’Ëmweltverwaltung 2020 een Aktiounsplang ausgeschafft gehat.  Gouf am Kader vun dësem Aktiounsplang festgestallt, wéi eng Fluchgesellschaft an der Moyenne pro Vol deen héchste Lärmausstouss huet?

  3. Am Kader vun dësem Rapport goufen anscheinend och d’Nuetsflich, déi vum Findel aus gestart sinn, gezielt. Kënnen d’Ministeren d’Unzuel un Nuetsflich pro Airline uginn?

  4. Wäert d’Regierung zesumme mat der neier Verwaltungsrotspresidentin u konkrete Mesuren zur Verbesserung vun der Klimabilanz schaffen?

  5. Wäert déi néi Verwaltungsrotspresidentin sech dofir asetzen, d’Unzuel un Nuetsflich ze reduzéieren?

Verlaf an der Chamber

QP Nummer 4194


Marc Goergen

Marc Goergen

Koordinator Piratepartei

0 Comments

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.