ACCOUNT

Méi Dateschutz fir d’Wahljoer: d’Piraten maachen Eescht.

D’Piraten hunn haut eng Demande gemaach, fir dass eise Gesetzesvirschlag vun 2019 (!) endlech an der Chamber behandelt gëtt. Mir wëllen net méi, dass d’Parteien einfach esou Zougrëff op Datebanke vun alle Leit hei am Land hunn, fir dann hier Wahlwerbung geziilt kënnen un d’Leit ze maachen, op Basis vun hirer Adress, Alter oder Nationalitéit.

Mir fuerderen ee Verbuet, fir dierfe Kopië vun deene Lëschten ze maachen!

Mir fuerderen, dass den Dateschutz och bei Wahlen respektéiert gëtt!

Gesetzesvirschlag zu de Wielerlëschten

Hei ass eise Bréif:

Här President,

mir bieden Iech dëse Brief un de President vun der Commission des Institutions et de la Révision constitutionnelle weiderzeleeden. 

D’Sensibilité politique Piraten huet de 27te Juni 2019 de Gesetzesvirschlag n°7453 portant modification de la loi électorale modifiée du 18 février 2003 deposéiert. 

Den Artikel 63 vun eisem Chambersreglement gesäit vir, dass véier Wochen nom Dépôt déi zoustänneg Kommissioun mat der Proposition de Loi befaasst muss ginn an ee Rapporter genannt muss ginn. 

Eis Sensibilitéit fuerdert, dass d’Chambersreglement respektéiert gëtt an de Gesetzesvirschlag op den Ordre du Jour vun der Kommissioun gesat an nach bis spéitstens Abrëll behandelt gëtt. 

Dës Weidere géife mir Iech biede beim Staatsrot z’intervenéieren, fir eis zäitno säin Avis zu dësem Gesetzesvirschlag zoukommen ze loossen.

De Gesetzesvirschlag betrëfft d’Prozedur vum Walgesetz an ugesiichts vum Waljoer 2023 sollt dës Propositioun bis spéitstens dohinner evakuéiert ginn.

Verlaf an der Chamber

Zesummenhang posts

Eng Fro gouf gestallt op fro.lu. Am Aktivitéitsrapport vum Sportsministère vun 2021 ass ze liesen, a wéi engem Montant de Staat déi verschidde Sportorganisatiounen
De Rapport vum Ombudsman fir Kanner a Jugendlecher wéisst kloer ob, dass et a Punkto Ënnerbréngung vu Geflüchteten nach ganz vill Baustelle ginn. Eng