Säit dem Ufank vun der Covid-19 Pandemie hunn eng Rëtsch Betriber an Employéeën hier Gewunnechte missten änneren. Den Télétravail ass eng Norm ginn. Konsequenterweis ginn doduerch méi Reuniounen a Konferenzen iwwer Video gehalen.

An deem Zesummenhang hu mir der Regierung dës Froe gestallt:

1. Brauch een en Accord fir Auszich (Biller, Téin, Ausschnëtter, …) kennen ze späicheren? Falls jo, wéi gëtt dat reguléiert?

2. Goufen d’Patronen an d’Employéeën ëm hir Rechter a Fliichten ëm den Dateschutz informéiert?

3. Ass d’Kommunizéiere per Videokonferenz am Kader vun der Aarbecht dateschutzkonform? Gouf d’CNPD domadder beopdrot, een Avis zu der Dateschutzkonformitéit vum Télétravail auszeschaffen? Falls nee, wäert d’Regierung dëst maachen?

Verlaf an der Chamber

QP Nummer 2322