Hollännesch Cryptotrading-Plattforme mellen, dass d’Traden mat Derivater verbuede gëtt. De Grond dofir ass d’Implementéierung vun der EU-Antigeldwäsch-Direktiv (AMLD5). Vill Crypto-Investisseure ginn elo kreativ a sichen Ëmweeër iwwert d’Legislatioune vun anere Länner, wéi zum Beispill déi Vereenegt Arabesch Emirater, Palau, etc. Zu Lëtzebuerg gouf d’EU-Direktiv mam Gesetz vum 10te Juli 2020 ëmgesat. Zu Lëtzebuerg ass Crypto-Traden mat Derivater aktuell nach méiglech.
An deem Zesummenhang hu mir der Regierung dës Froe gestallt:
-
Wäert och zu Lëtzebuerg de Crypto-Trading mat Derivater weiderhin erlaabt bleiwen?
-
Am Koalitiounsaccord ass näischt zu Crypto-Wärungen an Handel ze fannen. Wéi eng Pläng huet d’Regierung diesbezüglech fir Lëtzebuerg?
-
Huet d’Regierung Kenntnis, wéi vill Plattformen fir den Echange vu Cryptowährungen hir Servicer hei zu Lëtzebuerg ubidden?
Falls jo, wéi eng Plattformen sinn dat?
QP Nummer 565
