Den International Center for Research on Women sammelt am Moment Daten zu de Covid-Infektioune bei Männer a Fraen op der ganzer Welt. Dësen Daten no, komme weltwäit op all 10 Doudesfäll bei Fraen, 13 Doudesfäll bei Männer. Op 10 weiblech Covid-Patienten, déi op der Intensivstatioun behandelt musse ginn, kommen 20 männlech Patienten. Iwwer Persounen, déi sech net mat de klassesche Geschlechter identifizéieren, ginn et keng Donnéeën um Site vum Research Center. Laut dësem, géingen dës Informatioune just an Deeler vun Indien gesammelt ginn.
An deem Zesummenhang hu mir der Regierung dës Fro gestallt:
-
Erfaasst d’Santé och d’Unzuel un Trans-Persounen, intersexuelle Persounen an allgemeng Persounen, déi sech an enger binärer Kategoriséierung net erëm fannen, a sech mat Covid-19 infizéiert hunn?
• Falls jo, wéi vill Persounen, opgeschlësselt no alle Kategorien, déi erfaasst goufen, hu sech mam Covid-19 infizéiert a wéi vill si mat oder um Virus gestuerwen?
• Falls nee, firwat net?
QP Nummer 3810
