Mat dem Verspriechen, dass ob streng Mesuren opgepasst gëtt, sinn de 25. Mee d’Primärschoulen a ganz Lëtzebuerg erëm opgaangen. D’Strategië fir d’Infektiounsquoten esou déif wéi méiglech ze hale goufen opgestallt an trotzdeem sinn, laut menge Quellen, zwee Kanner am Norde positiv op Covid-19 getest ginn an d’Enseignante kruten explizitt vum Ministère de la Santé verbueden d’Elteren ze informéieren.

An deem Zesummenhang hu mir der Regierung dës Froe gestallt:

1. Wei eng Prozedur gëtt fir den Tracing vu Kanner an de Schoule benotzt?

2. Wei eng Datebanke ginn an dem Kontext consultéiert?

3. Firwat gëtt Léierpersonal, dat jo d’Bezuchspersoun ass, net matagebonnen?

Verlaf an der Chamber

QP Nummer 2440