Eng Rei Beruffsgruppen, déi och zum Santéssecteur gehéieren, mee net direkt duerch e Kontrakt un e Spidol oder en Heem gebonne sinn, krute bis elo nach keng Invitatiounen, fir sech kënnen impfen ze loossen a ginn an der Impfstrategie och net explizitt erwäänt.
Esou ass et nach onkloer wéini z. B. d’Mataarbechter aus de Laboratoiren, déi Covid-19-Tester auswäerten, oder och Ambulancieren geimpft solle ginn.
An deem Zesummenhang hu mir der Regierung dës Froe gestallt:
-
A wéi enger Phase wäerten d’Mataarbechter aus de Laboratoiren, déi Analyse maachen, déi an Zesummenhang mam Covid-19 stinn, d’Méiglechkeet kréien, sech impfen ze loossen?
-
A wéi enger Phase wäerten d’Mataarbechter vu privaten Ambulanzen en Zougang zu enger Impfung kréien?
