D’Rettungsdéngschter sinn en essentielle Bestanddeel vun eisem Gesondheetssystem. E sécheren Transport vu kranke Persounen an eng kompetent Prise en Charge vu Verletztenen direkt no engem Accident, si vu grousser Wichtegkeet. Dofir gesäit déi aktuell Impfstrategie och fir, dass d’Rettungsdéngschter prioritär géint de Covid-19 geimpft kënne ginn, fir esou operationell ze bleiwen.
An deem Zesummenhang hu mir der Regierung dës Froe gestallt:
-
Wéi vill Persoune beim CGDIS goufe scho geimpft?
-
Wéi vill Persoune vum CGDIS kruten eng Invitatioun fir eng Impfung geschéckt?
Wéi vill Persounen hu vun der Offer profitéiert? -
Unhand vu wéi engen Date goufen d’Invitatioune fir de CGDIS eraus geschéckt?
Kann et sinn, dass dës Date Lücken opweisen a Persoune vergiess goufen? -
Wéi vill Persoune vum CGDIS wäerten nach an de kommende Woche geimpft kënne ginn?
