Lëtzebuerg war déi lescht Joren ëmmer erëm op den UN-Klimakonferenzen (COP) dobäi. D’Konferenz dëst Joer wäert zu Baku stattfannen. D’Haaptthema vun dëser Konferenz wäert d’Thema vun den nohaltege Finanze ginn, wat een Thema ass, wat grad fir Lëtzebuerg, dat eng nohalteg Finanzplaz opbaue wëll, vun Interessi ass. Aserbaidjan huet am September 2023 mat enger Militäroffensiv sech Deeler vun der Nagorno-Karabakh-Regioun ugëeegent an domat ee Waffestëllstandsaccord vun 2020 verletzt. Et ginn méi wéi 600’000 Barrel Pëtrol pro Dag am Aserbaidjan produzéiert. Dofir gëtt de Choix vu Baku als Organisator vun enger COP vun Ëmweltorganisatiounen kritiséiert.
An deem Zesummenhang hu mir der Regierung dës Froe gestallt:
-
Wäert d’Regierung och dëst Joer erëm un der Weltklimakonferenz deelhuelen? Falls jo, wéi eng Ministere wäerten op Baku reesen?
-
Huet d’Regierung wëlles, fir dëst Joer selwer ee Pavillon zu Baku z’organiséieren, eventuell zesumme mat engem EU-Nopeschland?
-
Wéi wäert Lëtzebuerg op der COP29 fir seng nohaltëg Finanzplaz werben?
QP Nummer 757
