Commission spéciale de réexamen bei der ADEM – Nofro

An de Froe 5415 a 5551 hunn d’Piraten sech schonn zu de Beaarbechtungszäite vun der Commission spéciale de réexamen vun der Adem informéiert. Hei gouf et 2022 mat 6 bis 6,5 Méint ganz laang Beaarbechtungszäiten. Fir déi Betraffen ee grousse Problem, well si esou laang hire Recours leeft, kee Recht op Chômage oder Revis hunn. Am Fall wou se an hirem Recours Recht kréien, kréien se d’Geld duerno, mee si mussen an der Zäit anescht iwwert d’Ronne kommen, wat fir vill, voir all déi Betraffen, net einfach ass. Den deemolegen Aarbechtsminister war och net zefridde mat der Beaarbechtungszäit an hat an der Äntwert op d’Fro 5551 erkläert, datt am Sekretariat méi Leit agestallt géife ginn, fir Delaien ze kierzen. 

An deem Zesummenhang hu mir der Regierung dës Froe gestallt:

  1. Wat sinn déi momentan Delaie fir d’Beaarbechtung vun engem Recours bei der Commission spéciale de réexamen vun der Adem?
    Ass de Minister der Meenung, datt dësen Delai zefriddestellend ass?

  2. Trëfft sech d’Commissioun mëttlerweil méi oft wéi 1 bis 2 mol am Mount?

  3. Wéi laang dauert et momentan tëscht der getraffener Decisioun an der Notifikatioun vun der Decisioun un déi Betraffen? 

  4. Wéi vill Leit si säit Januar 2021 am Sekretariat vum CSR agestallt ginn? Wéi vill Leit hunn d’Sekretariat an der Zäit verlooss? Wat ass de momentanen Effektiv?

Verlaf an der Chamber

QP Nummer 676

Zesummenhang posts

De Professor Phillip Dale huet zesumme mat Science.lu d’Fro analyséiert huet, ob Lëtzebuerg kéint säin Energiebedarf zu 100% selwer a klimaneutral hierstellen (https://science.lu/de/science-check-energiewende-erneuerbare-energien/kann-luxemburg-seinen-energiebedarf-zu-100-klimaneutral-selbst-herstellen ).
Lëtzebuerg war déi lescht Joren ëmmer erëm op den UN-Klimakonferenzen (COP) dobäi. D’Konferenz dëst Joer wäert zu Baku stattfannen. D’Haaptthema vun dëser Konferenz wäert
Zu Lëtzebuerg ginn et zwou Institutiounen, déi Autismus-Diagnose maachen,eng dovunner ass d’FAL. Dëst sot rezent RTL géintiwwer, dass een am Moment bei enger Waardelëscht