D’Luxembourg Luxtimes beriicht, dass d’Firma Coinbase, déi am Beräich vun de Kryptowärungen aktiv ass, an den nächste Wochen Operatiounen zu Lëtzebuerg wäert starten:
“US-based Coinbase is “on track” to get a Luxembourg cryptocurrency provider licence and start operating in the Grand Duchy in the coming weeks, its CEO has told a technology conference in Kirchberg.”
Et ass eng gutt Noriicht fir eis Finanzplaz, wann nei Fintech-Servicer op Lëtzebuerg kommen an hir Servicer zu Lëtzebuerg, an doriwwer eraus an d’EU, ubidden. A vergaangene parlamentaresche Froen an Interventiounen hat ech reegelméisseg op d’Wichtegkeet vu Kryptowärungen fir eis Finanzplaz higewisen.
An deem Zesummenhang hu mir der Regierung dës Froe gestallt:
-
Wéi bewäert d’Regierung d’Noriicht, dass Coinbase op Lëtzebuerg kënnt?
-
Wéi vill Firmen am Beräich vun de Kryptowärungen sinn aktuell zu Lëtzebuerg ugesidelt?
Wéi vill dovunner si Filialen a wéi vill si Mammegesellschaften? -
Wat fir konkret Schrëtt ënnerhëlt d’Regierung, fir ze garantéieren, datt weider Firmen aus dem Beräich vu Kryptowährungen zu Lëtzebuerg lancéiert ginn?
QP Nummer 2481
