An enger inklusiver Gesellschaft ass et mëttlerweil normal, datt Kanner mat enger Behënnerung a reguläre Schoulklassen ënneriicht ginn. Et ginn awer och Kanner mat enger Behënnerung oder chronesche oder längere Krankheeten, déi zwar regulär an enger Schoul ageschriwwe sinn, mee eng sougenannten “Classe d’attache” hunn an dat ganzt Schouljoer kee Cours besichen.
An deem Zesummenhang hu mir der Regierung dës Froe gestallt:
-
Wéi vill Kanner waren d’Schouljoren 2018/2019 an 2019/2020 an enger Classe d’Attache ageschriwwen?
-
Wéi vill Schüler, déi an enger Classe d’Attache ageschriwwe waren, weisen ee Präsenztaux vun 0%, manner wéi 25%, tëschent 25 a 50% a méi wéi 50% op?
-
Am Fall vu Präsenzen vun ënnert 50%, erfëllt d’Aschreiwung an enger Classe d’attache de Krittäre vun der Schoulfliicht?
-
Ginn dës Kanner an de Statistiken ëm d’Inklusioun matgezielt?
QP Nummer 2714
