Chèque-repas

Published by Sven Clement on

Den 8ten Februar huet d’Organisatioun #Dontforgetus ee Pressecommuniqué erausginn, an deem si fir d’widderhuelte Kéier op den Ëmgang mat de Chèque-repas aginn. Laut Maître Rollinger am Reportage vum RTL zu de Chèque-repas vum 10ten Februar schätzen d’Firmen déi d’Chèque-repas verginn, de Schued un dem HORECA Secteur am zweestellege Milliouneberäich.

An deem Zesummenhang hu mir der Regierung dës Froe gestallt:

  1. Hunn d’Ministere säit dem éischte Communiqué vun #Dontforgetus am am Februar 2021 Kontakt mat de Firme Sodexo an Edenred gesicht, fir sech bei hinnen iwwert hir Aschätzung zur Notzung vun de Chèque-repas z’informéieren? 

  2. D’Reegelen aus de Reglement vun 1986 si ganz restriktiv ausgeluecht, esou dierf ee mat de Chèque-repas laut Reglement nëmme wärend dem Aarbechtsdag Iesse kafen. D’Bezuele mat de Chèque-repasen de Weekend am Restaurant wier also bei ville Leit schonn ee Verstouss géint d’Gesetz. Wäert d’Ministesch de Reglement iwwerschaffen?

  3. Wäert d’Ministeren de Commercen d’Reegele vum Chèque-repas déi am Règlement grand-ducal vum 29ten Dezember 1986 eng weider Kéier kommunizéieren?

  4. Wäerten d’Ministeren sech mat der Organisatioun #Dontforgetus an der HORESCA Federatioun zesumme sëtzen, fir eng gemeinsam Léisung ze fannen?

Verlaf an der Chamber

QP Nummer 5744