Campagne “Déi schéin Aktioun”

De Mobilitéitsministère huet d’Campagne “Déi schéin Aktioun” lancéiert, déi 7 verschidde Gesten présentéiert, déi mer all am Stroosseverkéier sollten uwennen. Dës Geste goufen a 7 kuerze Videoe presentéiert. Gëschter gouf den éischte Video op Twitter gepost. D’Reaktioune waren awer anescht wéi positiv, well de Video mam Text “Quel arrêt magistraaaal. Un piéton traverse le passage piéton en fixant son smartphone sans vérifier la circulation avant de traverser” e puer Stonnen no engem schwéieren Accident zu Gonnereng virum Lycée publizéiert gouf.

An deem Zesummenhang hu mir der Regierung dës Froe gestallt:

  1. Fënnt de Minister, dass dëse Video vun der Campagne de Foussgänger, deen iwwert een Zebrasträife gëtt, als Matschëllege bei engem Accident presentéiert?

  2. Fënnt de Minister, dass den Ufank vun der Campagne hätt sollen no hannen verréckelt ginn, wann een am Nachinein weess, datt kuerz virdrun bei 2 Accidenter tëschent Autoen a Foussgänger 4 Kanner verwonnt goufen?

  3. Wéi eng Organisatioun gouf mam Ausschaffe vun der Campagne “Déi schéin Aktioun” beoptraagt? 

  4. Wéi vill huet d’Ausschaffe vun dëser Kampagne kascht a wéi ee Montant ass fir d’Publicitéit vun dëser Campagne virgesinn?

Verlaf an der Chamber

QP Nummer 5343

Zesummenhang posts

A ville Länner ginn neigebuere Kanner kuerz no hirer Gebuert am Kader vum Dépistage néonatal op verschidde selte Krankheet getest. Zil vum Screening ass
LU-CIX ass een nationalen Internet exchange Point zu Lëtzebuerg, deen als Service de Schutz vu kritesch Netzer an Hosts proposéiert. D’Asbl gëtt et säit
D’Verwaltungsgeriicht huet rezent jugéiert, dass de Staat engem Flüchtling, deen eleng geflücht war, op Basis vun eiser Gesetzeslag net kann eng Wunneng refuséieren (Arrêt