Déi aktuell Regierung huet sech am Koalitiounsaccord zum Zil gesat, dass bis 2025 op mannst op 20% vun den Ubauflächen hei am Land soll op eng biologesch Landwirtschaft gesat ginn. An der Äntwert op d’parlamentaresch Fro N°3752 vun 2018 vun Déi Gréng huet den deemolege Landwirtschaftsminister een Tableau presentéiert, op deem den Undeel vun der Bioproduktioun par Rapport zur Gesamtproduktioun hei am Land indiquéiert ass. Aus dësen Zuele goung ervir, dass d’Biolandwirtschaft a verschiddene Secteuren immens ënnerentwéckelt war, zum Beispill bei Fleeschproduiten, Feldfriichten oder Drauwen.
An deem Zesummenhang hu mir der Regierung dës Froe gestallt:
-
Kann de Minister d’Entwécklung vun den Zuelen aus der Fro n°3752 fir d’Joren 2017, 2018, 2019 an 2020 an engem Tableau duerleeën?
-
Wéi vill Betriber hunn zënter 2018 op Biolandwirtschaft ëmgestallt?
• Wéi vill dovunner am Beräich vun der Véizuucht?
• Wéi vill dovunner am Beräich vum Fruucht-a Geméisbau?
• Wéi vill dovunner am Beräich vum Wäibau? -
Wéi vill Fläche ginn aktuell no de Krittäre vun enger biologescher Landwirtschaft exploitéiert?
QP Nummer 5237
