Säit dem 02.01.2013 gëtt et am Réidener Kanton de Beki, eng regional Wärung mat der een a ronn 100 Geschäfter am Kanton akafe kann. De Beki sollt 2021 och an digitaler Form zougänglech gemaach ginn. Et kann een 100€ fir 103 Beki antauschen. 2018 huet d’Steierverwaltung d’Circulaire 14/5- 99/3- 99bis3 publizéiert, an der d’Besteierung vum Revenu aus Kryptowärunge festgehale gëtt. Kryptowärunge ginn als “biens incorporels” betruecht an deementspriechend besteiert.
An deem Zesummenhang hu mir der Regierung dës Froe gestallt:
-
Gëtt de Revenu aus Beki besteiert?
• Falls jo, gëtt de Revenu aus Beki d’selwecht besteiert wei de Revenu aus Kryptowärung?
• Falls nee, firwat net?
2. Wéi vill Persoune goufen d’lescht Joer op Grond vu Revenu aus Kryptowärung besteiert? Wéi vill Persoune goufen d’lescht Joer op Grond vu Revenu aus Beki besteiert?
3. Am Fall vum Beki hunn d’Betriber aus der Regioun decidéiert, beim Projet Beki matzemaachen. Kéint nom selwechte Modell och eng Kryptowärung fir den Akaf vu Wuere genotzt ginn, wann d’Betriber dëst wënschen?
QP Nummer 4821
