Context:Projet de Loi 7752

D’Deputéiertechamber stellt fest:

• dass d’Covid-19-Pandemie an déi domat verbonne sanitär Mesuren en net negligéierbaren Impakt op d’Wirtschaft hunn;
• dass et besonnesch wichteg ass kleng a mëttelstänneg Betriber finanziell ze ënnerstëtzen, fir d’Villfältegkeet vun der Lëtzebuerger Wirtschaft oprecht ze erhale wärend an och no der Kris;
• dass et fir d’Betriber wichteg ass, Previsibilitéit a Finanzfroen ze hunn;
• dass net ze erwaarden ass, dass sech d’wirtschaftlech Situatioun bis Enn 2021 esou wäit wäert stabiliséiert hunn, dass d’Betriber am Land net méi op Bäihëllefen ugewise wären;
• dass d’Europäesch Kommissioun beschloss huet, deen um 19. Mäerz 2020 erloosse Kader fir staatlech Bäihëllefen zur Protektioun vun der Wirtschaft face vum COVID-19 bis zum 31. Dezember 2021 ze verlängeren.

Aus dëse Grënn invitéiert d’Deputéiertechamber d’Regierung:

1. ze envisagéieren, zäitno d’Lafdauer vun de Bäihëllefe fir ongedeckte Käschte bis den 31. Dezember 2021 ze verlängeren.

D’Motioun huet keng Majoritéit an der Chamber fonnt.