De 4. Dezember gëtt a ville Südgemengen Bärbelendag gefeiert. Et ass den Dag vun der Schutzpatréinesch vun de Mineuren an dofir ass de Feierdag virun allem a Géigenden, wou et ee Minettofbau gouf, Traditioun. Um Site vum Immaterielle Kulturierwen zu Lëtzebuerg, dem iki.lu, heescht et zum Bärbelendag:
“D’Traditioun vu Bärbelendag ass den 30. November 2022 vun der Kulturministesch Sam Tanson op den nationalen Inventar vum immaterielle Kulturierwe gesat ginn. […] Well Bärbelendag awer och an anere Länner, ewéi, zum Beispill, a Polen oder Éisträich eng déif verwuerzelt Traditioun ass, kéint geschwënn eng multinational Demande gemaach ginn, fir d’Fest vun der helleger Bärbel och op d’UNESCO-Representativlëscht vun der Mënschheet ze setzen.”
An deem Zesummenhang hu mir der Regierung dës Froe gestallt:
-
Wäert den neie Kulturminister d’Beméiung fir d’Klassifizéierung vum Bärbelendag als Kulturierwen op Unesco-Niveau weiderfeieren?
-
Wou sinn d’Beméiunge fir eng multinational Demande drun?
QP Nummer 85
