No de Revelatioune ronderëm eng Rei Dokteren, déi am Ausland verurteelt waren an d’autorisation d’exercer verluer haten, ass bekannt ginn, datt dës Dokteren zum Deel weider zu Lëtzebuerg hire Beruff ausübe géifen, op Grond vun enger vum Ministère ausgestallten Autorisatioun. Gläichzäiteg schéngt et esou, wéi wann de Ministère dës Autorisatiounen nëmme mat vill Retard, wann iwwerhaapt, géif annuléieren, dëst obwuel dës Dokteren am EU-Ausland rechtskräfteg verurteelt goufen.

An deem Zesummenhang hu mir der Regierung dës Froe gestallt:

1. A wéi ville Fäll, opgeschlësselt no Joer a Grond, huet de Ministère zanter 2018 eng autorisation d’exercer oferkannt?

2. Wéi laang dauert esou eng Prozedur an der Moyenne?

3. Ass d’Madamm Ministesch zefridde mat dëse Prozeduren? Falls nee, wat géif Sie proposéieren z’änneren?

Verlaf an der Chamber

QP Nummer 7716