An der Äntwert op d’Fro 6969 huet de Minister d’Zuele ginn zu den ausbezuelte Solar-Subventiounen. De Minister huet an der Äntwert missten zouginn, dass bis elo nach keng Demande vun 2022 traitéiert wier. Verschidde Biergerinnen a Bierger hunn hir Anlag via Prêt op der Bank kaaft a konnten de Subside esou nach net notze fir en Deel vun hirem Prêt ofzebezuelen. Doduerch mussen si da méi héisch Zënse bezuelen, wéi wann de Subside schonn ausbezuelt wier.
An deem Zesummenhang hu mir der Regierung dës Froe gestallt:
-
Wäert de Staat d’Méikäschte vun den Zënsen um Prêt vun de Leit iwwerhuelen, déi doduerch entstinn, dass de Subside méi spéit vum Prêt kann ofgerechent ginn? Wa nee, firwat net?
-
Wat wäert de Minister maachen, fir d’Beaarbechtungszäit vun den Demande fir Subsiden ze reduzéieren?
-
Wat ass fir de Minister ee raisonnabelen Delai an deem de Staat eng Demande sollt traitéiert hunn?
-
Wäert de Minister eng Piste ausschaffen, déi et erméiglecht, dass d’Leit am Fall vun engem Prêt de Subside ugerechent kréien?
QP Nummer 7163
