De 15te Mee 2018 huet d’Chamber de Gesetzesprojet n°7177 eestëmmeg ugeholl, dee zum Gesetz vum 6te Juni 2018 gouf. Mat dësem Gesetz gouf den Accord tëscht dem Grand-Duché an der Belsch betreffend der Gestioun an dem definitive Stockage vu radioaktiven Offall vu Lëtzebuerg um Territoire vun der Belsch. D’Artikelen 2 a 7 vum bilateralen Ofkommes mat der Belsch hale Folgendes fest:
“”Les déchets radioactifs luxembourgeois conditionnés seront entreposés en Belgique jusqu’à leur stockage définitif dans les respects de la réglementation belge en vigueur.”
“Le Grand-Duché de Luxembourg s’engage à couvrir tous les coûts occasionnés sur le territoire belge en exécution de l’article 2. […] Le Grand-Duché de Luxembourg s’engage à s’acquitter de toutes les redevances présentes et futures pour la gestion à long terme sur le territoire belge des déchets radioactifs luxembourgeois qui font objet de cet accord, conformément au cadre règlementaire en vigueur en Belgique.»””
An der Äntwert op d’parlamentaresch Fro n°2197 hat d’Ministesch deemools erkläert, dass d’Regierung alles ënnerhuele wäert, fir dass keen Atommüll-Endlager op d’belsch-lëtzebuergesch Grenz wäert kommen.
An deem Zesummenhang hu mir der Regierung dës Froe gestallt:
-
Goufen et zënter dem leschte Joer weider Gespréicher mat de belschen Autoritéiten iwwert d’Ariichte vun engem Atommüll-Endlager op der belsch-lëtzebuergescher Grenz?
-
Wéi eng weider Schrëtt huet d’Regierung zanterdeem ënnerholl, fir keen Atommüll-Endlager op d’Grenz ze kréien? Hunn dës Moossnamen iergendwellech nennenswäert Fortschrëtter mat sech bruecht?
-
Rechent d’Regierung domadder, dass d’Belsch am Endeffekt manner oder keen Atommüll op laanscht Grenz deponéiere wäert?
QP Nummer 5525
