Am Budgetsgesetz 2021 gouf festgehalen, datt d’Prozedur vun der Fiche de retenue d’impôt ab 2021 digitaliséiert gëtt. D’Steierverwaltung huet an deem Kontext eng digital Plattform opgesat, déi et den Employeuren erméiglecht, Zougrëff op d’elektronesch Fiches de retenue vun hire Salariéen ze kréien. All d’Fiche de retenu d’impôt, déi normalerweis ab dem 1te Mee 2021 erstallt gouf, misst dem Employeur iwwert Guichet.lu zur Verfügung gestallt ginn. Mengen Informatiounen no, gëtt et allerdéngs eng Limitt wéi vill Fichen een Employeur oder seng Fiduciaire kënnen eroflueden (200 Stéck).

An deem Zesummenhang hu mir der Regierung dës Froe gestallt:

1. Firwat gouf eng Limitt op den Accès zu de Fiche de retenue d’impôt festgeluecht?

2. Wëssend, dass et nawell eng ganz Réi vu Betriber a Fiduciaire gëtt, déi méi wéi 200 Employéeë, respektiv Clienten hunn, wäert dës Limitt ofgeschaft ginn? Wa jo, wéini wäert dëst geschéien?

Verlaf an der Chamber

QP Nummer 5298