Virun engem Joer gouf de Service Adapto – grad wéi all aner Aart vun ëffentlechem Transport -gratis. No dëser Reform hunn Persounen déi bis dohi vum Adapto profitéiert hunn, missen eng néi Kaart beim Ministère ufroen. Esou goufen am Mäerz d’lescht Joer vun 1.356 Demande fir eng Adaptoskaart, der 284 net accordéiert (Fro n°1890).
An deem Zesummenhang hu mir der Regierung dës Froe gestallt:
-
Mëtt Mäerz krute verschidde Persounen déi Rescht op den Adapto Service hunn, ee Bréif vum Mobilitéitsministère, deen d’Iwwerpréiwung vun hiren Dossieren ukënnegt. An dësem Bréif, ginn dës Persounen och deelweis hiren Aarbechtskontrakt gefrot.
• Firwat gouf decidéiert, dës Persounen, no hirem Aarbechtskontrakt, deen och vill confidentiel Detailer enthält, ze froen, amplaz eng einfach Aarbechtsbescheinegung vum Patron?
• Op wéi enger legaler Basis gëtt d’Iwwerpréiwung vun den Dossiere gemaach? Gesäit dat Gesetz oder dee Reglement vir, wat fir Dokumenter de Ministère dierf froen?
2. An der Fro n°1788 gouf no der Bezuelung vun de Bus-Entreprisë fir den Adapto-Transport gefrot. An der Äntwert sot de Minister: “”Déi 2 lescht Froe betreffen de Kontrakt tëschent dem Mobilitéitsministère an de Betriber. Déi gefroten Informatioune vum Bezuele vun den Trajeten an de Leerfaahrten si confidentiel an onwesentlech fir de Public.”” Ass de Minister bereet, konform zum Arrêt vun der Cour administrative vum 26.01.2021, den Deputéierten an enger Kommissiounssëtzung Accès zu dëse Verträg ze ginn?
3. Aus der Äntwert op déi parlamentaresch Fro n°2552 un de Mobilitéitsminister geet ervir, dass nach keng Kommissioun, wéi och am Projet de loi n°7490 virgesinn, en place gesat gouf.
• Wat fir Schrëtt huet de Minister tëschenzäitlech geholl, fir dës Kommissioun opzestellen?
• Kënne Persounen déi eng Adapto-Kaart refuséiert kruten, scho bei dëser Kommissioun ee Recours aleeën?
QP Nummer 3940
