Wat maachen wann d’Steierverwaltung net Recht huet?

Persounen, déi net averstane sinn mat der Aart a Weis, wéi hir Steiererklärung vun hirem Steierbüro opgestallt gouf, kënnen dogéint ee Recours maachen, entweder bei hirem Steierbüro, oder beim Direkter vun der Steierverwaltung (Service contentieux), oder duerno um Verwaltungsgeriicht. 

An deem Zesummenhang hu mir der Regierung dës Froe gestallt:

  1. Wéi vill Recoursen goufen zënter 2018, opgelëscht pro Joer, beim Direkter vun der Steierverwaltung agereecht?

  2. Bei wéi ville Recoursen beim Direkter vun de Steierverwaltung waren méi wéi ee Steierjoer vun engem Steierzueler betraff? Aanechters gefrot: wéi vill Leit hunn fir e puer Steierjoren op ee Schlag reklaméiert?

  3. Wéi oft ass et vun 2018 bis 2023 (opgeschlësselt pro Joer) zu Zwangsandreiwungen (recouvrement forcé) komm?
    A wéi ville Fäll gouf d’Zwangsandreiwung ouni weidere Recours realiséiert an a wéi ville Fäll gouf d’Zwangsandreiwung no engem Recours realiséiert?

  4. Op meng Fro n°5955 krut ech d’Informatioun, wéi vill fiskal Dossieren tëschent Mäerz 2017 a Mäerz 2022 um Verwaltungsgeriicht gelandt sinn betreffend der Steierverwaltung. 168 Mol krut de Steierzueler Recht.
    • Kann d’Justizministesch dës Zuelen ergänzen mat den Zuelen vun 2022 bis 2024?
    • Bei wéi ville vun dësen Affairen krut de Steierzueler Recht?

Verlaf an der Chamber

QP Nummer 559

Zesummenhang posts

D’Post bitt zënter 2023 de Service vum online Recommandé un, mat deem ee Bréiwer iwwert den elektronesche Wee kann un een Destinatäre fortschécken. D’Post
A menge parlamentaresche Froe n°3813 an 3927 hat ech op d’Situatioun vun Déierenbesëtzer um Wunnmarché opmierksam gemaach, wou et virkënnt, dass Locatairen verbuede kréien,