Accord tëscht der Belsch a Lëtzebuerg iwwert de Medezinstudium

Den Accord vum 17te Juli 2017 tëscht Lëtzebuerg an der Belsch iwwert d’Medezinstudium, deen de Lëtzebuerger Studenten nom éischte Joer hei am Land eng Weiderféierung vun hire Studien an der Belsch erméiglecht, gëllt nëmme fir Persounen, déi hire Lycée zu Lëtzebuerg gemaach hunn. Residenten, déi sech entscheet hunn, net zu Lëtzebuerg an ee Lycée ze goen, kënne vun dësem Accord net profitéieren, an domat net, no engem Joer hei am Land, an d’Belsch wiesselen.

An deem Zesummenhang hu mir der Regierung dës Froe gestallt:

  1. Ass de Minister der Meenung, dass den Accord fir Medezinstudente vum Juli 2017 misst an der Hisiicht nogebessert ginn, esou dass all Lëtzebuerger Resident, deen zu Lëtzebuerg ugemellt ass, vun dësem Accord ka profitéieren? Firwat gouf decidéiert dëst net esou am Accord vun 2017 festgehalen?

  2. Wäert de Minister sech mat sengem belschen Homolog a Kontakt setzen, fir iwwert dës Problematik ze beroden, fir sécher ze stellen, dass kee Resident op Grond vu sengem viregte schoulesche Parcours hei eng Chance verléiert, fir Medezin ze studéieren?

Verlaf an der Chamber

QP Nummer 7010

Zesummenhang posts

Fir eng rezent Etude vum European Monitoring Center for Drugs and Drug Addiction (EMCDDA) goufen Ofwaasseranalysen a Stied a ganz Europa an och ausserhalb
An der Äntwert op meng Fro n°387 huet d’Mobilitéitsministesch informéiert, dass d’CFL am Joer 2035 misste ronn 40% méi Leit astellen, fir d’Ziler vum
Bei engem Nato-Treffen den 3ten Abrëll gouf iwwert d’Schafung vun engem Fong fir d’Ukrain diskutéiert. An dësem Fong sollen 100 Milliarden iwwert déi nächst