An de Medie gouf bericht, dass de 27te Februar 2023 op der N10 bei der Bollenduerfer Bréck en Aascht vun engem Bam op en Auto op der Strooss an e Kand, wat do ze Fouss ënnerwee war, gefall ass. Medieberichter no, soll d’Gemeng Bäerdref schonn zënter Méint gewosst hunn, dass de Bam banne faul wier.
An deem Zesummenhang hu mir der Regierung dës Froe gestallt:
-
Kënnen de Minister oder d’Ministesch bestätegen, dass zënter Méint bekannt war, dass de Bam bannen dra faul war?
-
Wiem gehéiert de Bam, vun deem den Aascht ofgebrach ass?
-
Onofhängeg dovu, wiem de Bam gehéiert, firwat hu weder d’Gemeng Bäerdref nach Ponts et chaussées de betraffene Bam am Interêt vun der ëffentlecher Sécherheet ewechmaache gelooss?
QP Nummer 7686
