Wéi aus dem Rapport d’activité fir d’Joer 2021 vum Aarbechtsministère ervir geet, goufen deemools 30 Konventiounen mat verschiddenen Organismes gestionnaires d’initiatives sociales (dozou gehéieren z. B. d’CIGLen) ënnerschriwwen, déi insgesamt eng 2.152 Persounen encadréiert haten.

An deem Zesummenhang hu mir der Regierung dës Froe gestallt:

1. Kann de Minister schon Zuele fir d’Joren 2022 an 2023 nennen fir déi genannten Ënnerstëtzungsprojeten?
   Wéi vill Konventioune gouf et an dëse Joren a wéi vill Leit hunn dovu profitéiert?

2. Huet de Minister Zuelen, déi den Erfolleg vun dëse Mesuren evaluéieren? Wat waren hei d’Parameteren?

3. Wéi vill vun de Persounen, déi 2021 (an eventuell 2022 an/oder 2023) un enger vun de konventionéierte Mesuren deelgeholl hunn, kruten dono um éischten Aarbechtsmarché eng fest Plaz?

Verlaf an der Chamber

QP Nummer 519