An engem Bréif freet de Marc Goergen de Casino Lëtzebuerg ëm Informatioune ronderëm eng Konschtausstellung, an där scheinbar doudeg Déieren ausgestallt sinn.

Betreff: Expositioun vun doudegen Déieren am Casino-Lëtzebuerg

Déi Dammen an Hären,

d’Zeitung L’essentiel beriicht an engem Artikel vum 8te Mäerz iwwert eng Konschtausstellung vun der Madamm Jung beriicht, déi an de Gebailechkeeten vum Casino-Lëtzebuerg ze gesinn ass.

Op dëser Ausstellung fannen sech eng sëllegen Konschtartikelen, déi, wéi op Fotoen z’erkennen ass, aus Déierekadavere bestinn.

Ech wollt an dem Zesummenhang den Aussteller gäre froen, ob et sech bäi den Ausstellungsstécker ëm richteg Déieren – respektiv Déierekadaveren – handelt. Falls jo:

• Ëm wéi eng Déieren handelt et sech?
• Vu wou kommen dës Déieren?
• Wéi ass de Message vun der Kënschtlerin an dem Kontext ze verstoen? Wéi eng Roll spillen d’Déierekadaveren an dësem fräien Konschtkonzept a wat fir ee Message wëll d’Kënschtlerin dem Observateur mat op de Wee ginn?

 Ech géif mech op eng Réckmeldung Ärerseits freeën.

Mat frëndleche Gréiss,
Marc Goergen